Bislimi: Kosova aplikon si vend kandidat për BE brenda 2022-ës

13:54 | 5 Tetor 2022
E.H

Zëvendëskryeministri i Republikës së Kosovës, Besnik Bislimi para Komisionit për Integrime Evropiane ka thënë se ashtu siç ka deklaruar i pari i qeverisë, Albin Kurti, Kosova do të aplikojë për statusin e vendit kandidat brenda vitit 2022.

Bislimi shtoi se për të aplikuar për statusin e vendit kandidat nuk ka obligime të caktuara që një vend duhet t’i plotësoj.

“Shembull Serbia ka aplikuar edhe pa filluar që ta zbatoj marrëveshjen e stabilizim-asocimit, Shqipëria ka aplikuar 2-3 javë pasi e ka marrë marrëveshjen, ndërsa ne që jemi në vitin e gjashtë të zbatimit të dokumenteve strategjike, është vlerësim i përgjithshëm që Kosova sot për nga përmbushja e obligimeve në raport me BE-në ndodhet dukshëm më mirë se të gjitha vendet e rajonit që kanë qenë në momentin që kanë aplikuar”, është shprehur Bislimi.

Tutje, ai tha se është momenti vendimtar që numri i shteteve që kanë statusin e vendeve kandidate të përmbyllet gjatë këtij viti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm